الإثنين , مايو 28 2018
الرئيسية / ثقافة / أكلات حول العالم

أكلات حول العالم

أكلاتنا العربية كتير و أصناف و اطباق شعبية الكتير منها أكلات منتشرة برا و بقت مشهورة في العالم كله زي الفول والفلافل، الكشري المصري، الطاجن المغربي، الشاورما والكباب، الكوارع، الكبسة.
و دي شوية اكلات مشهورة حول العالم في منها كتير شبه اكلاتنا، و كل بلد مشهورة ب أكلة اسمها غريب اوى بس مكوناتها بسيطة و معروفة..

1) إيطاليا: مشهورة ب “صلصة البولونيز” و دي عبارة عن صلصة أساسها اللحمة و صلصة الطماطم، وبتتقدم هناك مع نوع مكرونة معين.

2) اسبانيا : و دي مشهورة ب شوربة اسمها “جازباتشو” بس دي شوربة في الصيف علشان بتكون ساقعة متكونة من عصير طماطم و خيار و فلفل أحمر و بصل و ثوم و بتكون مشطشطة شوية…. و معلومة كمان ان اكلة “الصيادية” المشهورة عندنا دي من اشهر الأطباق في اسبانيا بس هناك اسمها “باييا”.

3) اليابان: مشهورة ب اكلة “تيمبورا” وهي عبارة عن مأكولات بحرية أو خضراوات بتتقلي بعد ما تتغمس في صلصة من الدقيق والبيض.

4) الأرجنتين: و مشهورة ب “الشمشوري الأرجنتيني” و معروف ان معظم اكلاتهم هناك هي اللحوم، وهي عبارة عن صلصة لذيذة معمولة من الأعشاب وزيت الزيتون والخل علشان تخفف الدهون في اللحوم.

5) اندونيسيا : مشهورة ب اكلة “نازي جورينج”
و معناها باللغة الإندونيسية “أرز محمر”، ويدخل فيها الخضراوات بأنواعها والجمبري والبيض المقلي و بتكون مشطشطة.

6) البرازيل : و مشهورة ب أكلة شعبية اسمها “اكاراجي” شبه “الفلافل” عندنا شوية بس بيحشوها طماطم كتير و خضرة و صلصات.

7) الهند: عندهم أكلة اسمها “دوسا” العجينة بتاعتها شبه عجينة الكريب شوية بس فيها حبوب كمون، و الحشو بيكون جريك تشيكن و خلطة البطاطا و دي من ألذ اكلات الهند.

8) امريكا: طبق “تشيلى” و ده معروف هناك بطبق الفلفل الحار، وهو شوربة حارة من اللحم والفلفل مع الطماطم والفاصوليا، وممكن مضاف ليها التوابل والثوم والبصل والكمون.

9) اليونان: ودي مشهورة ب “مسقعة الباذنجان” متكون من طبقات الباذنجان وبيتقدم ساخن، أما في تركيا بيتطبخ بطريقة الخضار السوتيه في طبق فخاري وبيتقدم دافي، لكن في البلاد العربية بيتقدم بارد.

10) أثيوبيا: و هناك عندهم أكلة قريبة من الكاري اسمها “دورو ويت” ودي من لحم الغنم و ممكن نستعمل لحم الفراخ أو البقر.

11) الفلبين: مشهورة ب أكلة صينية اسمها “لومبيا” عبارة عن أنواع كتير من الفطائر بتتكون من الدجاج و الفول السوداني المفروم و جوز الهند و البطاطا و الخس و الثوم.

12) جامايكا: و اكلتها المشهورة على اسمها “جامايكا” ودي الأكلة الرسمية هناك، عبارة عن دجاج متبل ببهارات جيرك بعدين مشوي أو محمر في الفرن…. و (الجيرك): هو خلطة بهارات أو تتبيلة لها ملايين الطرق فيها بهار حلو.

** قولنا ايه أغرب أكلة سمعت عنها او كلتها في اي حتة في العالم ??!

شاهد أيضاً

شاهد | 5 مراهقين غيروا العالم.

بعض الناس اليوم يشككون في قدرات الشباب ويسلبونهم المناصب القيادية والإدارية زعما أنهم بلا خبرة ...

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *