الجمعة , نوفمبر 24 2017
الرئيسية / أعمال / شركات / قصة الفهد اللي فشل في صيد اﻷسماك

قصة الفهد اللي فشل في صيد اﻷسماك

حيوان من أسرع حيوانات الغابة ” الفهد ” أول لما طلع للدنيا لقى حيوانات الغابة كلها بتقنعه إن صيد الأسماك أمتع وأجمل بكتير اوي من صيد الغزال وأكل السمك فيه فوائد صحية كتيرة والكلام دا وخليك ناجح زي النسر اللي بيصطاد كل يوم أسماك مختلفة،لحد ما اقتنع إن صيد اﻷسماك بالنسبة له أحسن من صيد الغزال  

فراح للحمام علشان يعلمه الطيران وراح للتمساح علشان يعلمه ازاي يعوم على وش المياة وراح للصقر علشان يعلمه ازاي يصطاد سمكة، ولكن للأسف مع أول تطبيق له قفز في البحر علشان يصطاد أول سمكة يتغدى بيها معرفش يصطادها وكان هيغرق بالرغم من إنه قعد سنة كاملة يتعلم فيها ..

تفتكروا هل الفهد فعلاً فشل في صيد اﻷسماك؟

طيب هناخد مثال تاني لطالب مصري  علشان الفهد دا كان فاشل فعلاً ولا ﻷ ؟

شاب كان بيحب الرسم وهو صغير والكل شهدله بموهبته في الرسم   بس أبوه كان بيقوله نفسي أشوفك دكتور قد الدنيا، ودخل علمي علوم بس للأسف لما دخل الامتحانات بتاعت الثانوية العامة نسي من قائل هذه العبارة ونسي كلمة من الـ500 كلمة اللي كان حافظهم في اﻷلماني ومكانتش إجابته نموذجية في سؤال علل في الأحياء والتنسيق اترفع في سنته فدخل تجارة، فقال مافيش مشكلة اشتغل محاسب

أول سنة قالوله لازم تتعلم انجليزي فخد كورسات انجليزي بالطريقة التقليدية وجه تاني سنة قالوله لازم تاخد كورس في الكمبيوتر وبرامج اﻷوفيس وشوية كورسات كدة ولما جه في رابعة قالوله محتاج تعمل سي في وتتعلم مهارات الانترفيو فراح للأماكن اللي بتعلم الناس كتابة السي في ومهارات الانترفيو ، بس للأسف اتصدم بسوق العمل واشتغل بمرتب أقل من اللي كانت متوقعه وكان كل يوم بيعد الثواني بتاعت ساعات العمل ويدعي ربنا انها تعدي على خير وبعد كام سنة فشل في إنه يكون محاسب ناجح وبقى زيه زي أي محاسب في البلد ده كل اللي يعرف يعمله انه يدخل بيانات على سوفتوير

طيب نفس السؤال هل الطالب دا فاشل ولا ﻷ ؟

الإجابة إنه فاشل ﻷنه كان عاوز كلية طب ﻷن المجتمع بيقوله مهنة الدكتور هي أفضل مهنة، وفشل لما قرر إنه يكمل دراسته في مجال هو مش حابه، فكان طبيعي إنه يفشل في الشغل ويفشل في اصطياده للأسماك !

من رحمة ربنا إنه خلى كل مخلوق في الكون دا له دور في إعمار اﻷرض سواء لو اتكلمنا عن عالم الحيوان فالنحل مثلاً بينتج عسل للإنسان والإنسان بيزرع زهور فينبتها الله ويتغذى عليها النحل، والأبقار واﻷغنام يتغذى عليها الإنسان من لحومها وألبانها، وهكذا الكون كله، فمينفعش نحط حد مكان حد ولا أي شخص يقوم بدور شخص تاني 

يبقى المشكلة ده بتتلخص في إنك بتشتغل حاجة انت مش بتحبها، وحل المشكلة يتلخص في إنك تعرف نقاط قوتك فين وتبدأ تشتغل بيها كلها، وفيه إحصائية إن استخدامك لنقاط قوتك بتزيد

من معدل إنتاجك

AAEAAQAAAAAAAAbpAAAAJGMyNTIyODM5LWJhNjQtNDYyMi04MDdlLWVjZDRjOWRjMjFlMA

لما تستعمل 0 من نقاط قوتك بتكون إنتاجيتك 34%، ولما تستعمل نقطة واحدة من نقاط قوتك بتزيد

الإنتاجية لـ64% ولما تستعمل 4 نقاط قوة بتزداد لـ89

يعني تخيل لما تزيد إنتاجيتك وكفاءتك من 34% لـ89% ؟

علشان خاطر تمشي في الطريق الصحيح باستعمالك لنقاط قوتك وتبدأ عملك صح فأنا شايف إنك تمشي في الخط دا 

الحتة دي بتتشرح في مهارات القيادة وقصة تانية لكن أنا هتكلم عنها بمنظور مختلف شوية وبمنظور واحد بيبحث عن عمل 

 1. AAEAAQAAAAAAAAY1AAAAJDIzMmE1NDdiLWVhZjYtNGIyZC05MjA4LWE0NzE0MWNlYjZhNQmindset

ده أول حاجة محتاج إنك تغيرها في دماغك قبل ماتمشي في أي حاجة أو أي شغل ،

فيه نوعين من الناس

1. ” fixed mindset” اللي هو عاوز ينجح علشان خاطر خايف من الفشل، وعاوز يشتغل علشان لو مشتغلش هيبقى عاطل ومش هيعرف يتجوز مثلاً، وشايف إن قدراته ومهاراته حاجة طبيعية ميقدرش يغيرها، ومع ذلك شايف إنه ذكي على طول

2. “growth mindset”: ودا شايف إنه يقدر يكتسب أي مهارة بالشغل الجامد أو بالمذاكرة، بينجح ﻷنه جعان نجاح وعنده شغف للنجاح، ومش شايف نفسه عبقري لكنه مقتنع تماماً إنه لو اشتغل على نفسه شوية هيبقى أكثر ذكاء

وطبعاً النوع الثاني أكثر نجاحاً من النوع اﻷول وفيه اكثر من تجربة اتعملت علشان تثبت النظرية ده

 بلاك ويل ” عملت تجربة إنها قسمت الطلبة لقسمين وعملت لكل قسم ورشة عمل

– القسم اﻷول: قامت بتدريبهم على مراحل الذاكرة

– القسم الثاني: دربتهم ازاي يطوروا عقلهم علشان يبقوا أكثر ذكاءاً

والنتيجة إن 3 مرات المجموعة الثانية تثبت زيادة في مجهودهم وتفاعلهم مقارنة بالمجموعة اﻷولى وبعد انهاء ورشة عمل المجموعة الثانية جابوا درجات أعلى عن المجموعة اﻷولى

والنظرية ده برضة مدعومة من علماء النفس واﻷعصاب، فمثلاً علماء اﻷعصاب تابعوا بعض  الطلاب خلال سنين المراهقة واكتشفوا إن الكثير من الشباب بيتغير أداءهم في امتحانات الذاكرة وبناءاً عليه بيحصل تغيرات في الحلايا العصبية المتعلقة بالمخ، يعني اكتشفوا إن الزيادة في الوصلات العصبية في الدماغ بيوافقه زيادة في الأداء في امتحانات الذاكرة والعكس صحيح

وممكن تقرأ أكتر عن النظرية ده علشان تعرف ازاي تطبقها صح، ﻷنك لو طبقتها هترتاح في شغلك وحياتك إن شاء الله

 وهي ده المرحلة اﻷولى اللي المفروض تكتشفها وتهتم  بانك تغيرها في عقليتك بانك  تشتغل عليها كويس في  لما تكتشف نقاط قوتك وتبدأ تشتغل عليها وتطورها وتبقى عاوز تنجح لانك حابب النجاح مش لإنك خايف من الفشل

أقدر ألخص الكلام دا في مقولة ﻷحد الصالحين: إنما العلم بالتعلم، والحلم بالتحلم

يعني انت تقدر تكتسب أي مهارة سواء متعلقة بشخصيتك أو متعلقة بالعلم

2. skillset

ده المرحلة الثانية اللي المفروض تبدأ فيها بالتعلم المهارات والعلم اللي يناسب شخصيتك ويناسب نقاط قوتك، يعني مثلاً الفهد أكيد هيتعلم الجري والصقر هيتعلم الطير وهكذا بالنسبة للإنسان

طب ازاي اتعلم صح؟

Efficiency Vs EffectivenessAAEAAQAAAAAAAAPTAAAAJGFjNTViM2JkLTU5ZjQtNGE4Ni04YjY4LTlhYWFlYzdiMmMwMg

 efficiency بتعمل الحاجة بالطريقة الصح لكن مش بتضمن النتائج

على سبيل المثال: واحد بيذاكر كويس أوي وبيدرس كورسات كتيرة وقرأ كتب كتيرة في مجال معين لكنه موصلش لهدفه اللي كان حاطه من وراء التعليم دا لو كان حاطط هدف أساساً ” زي بعض الطلاب الجامعيين” 

 Effective بتوصل للنتائج لكن بعد طريق صعب وتضييع كثير من الوقت أو الفلوس

دا واحد تاني قعد يجرب طرق مختلفة يوصل بيها لهدفه زي مثلاً شارك في أنشطة طلابية ومبادرات تأهيلية كتيرة وقعد يبحث كثير على النت  لحد ما وصل لأحسن ناس يتعلم منهم المهارات ده، واتعلمها ووصل لهدفه في إنه يعرف ازاي يطير مثلاً

الثاني ضيع وقت وفلوس كتير لكنه وصل لهدفه والأول مضيعش وقت ولا فلوس ومشي في الطريق الصح لكنه موصلش للهدف

علشان كدة بيقولوا الفرق بين المصطلحين

effectiveness is doing right things, but efficeny id oing the thing right

طبعاً أحسن حاجة إنك تحقق الاتنين مع بعض، لكن في المرحلة ده هيكون تركيزك اﻷكثر Effective way على 

حاول تتعلم أحدث حاجة موجودة في العلم دا، وحاول تاخدها من أحسن ناس موجودين فيها، ويكون عندك مهارات جديدة مش موجودة عند حد غيرك ممكن الموضوع يكلفك وقت وأحياناً فلوس ولكن هتوصل لنتائج أحسن بكتير أوي من الطريق التقليدي أو الطريق السهل 

قيمة المهارات أو العلم اللي أنت بتتعلمه بقيمة اللي فهمته ونفعه ليك في حاجة معينة مش بالكمية اللي انت حفظتها من العلم دا 

علشان كدة الإمام الشافعي رحمه الله لخص الكلام دا لما قال: العلم ما نفع، وليس العلم ما حفظ

3. Toolsets

وده الأداة اللي هتستخدمها للتطبيق وتحقق من خلالها أسرع نتائج

اﻷداة ده ممكن تكون أداة تكنولوجية أو تكون أداة معنوية أو وظيفة معينة أو مشروع أو أياً كانت الأداة ده بتستخدمها علشان توصل لهدفك وتحقق بيها المهارات أو اﻷهداف اللي انت اتعلمتها علشان تخدم بيها الشغف بتاعك

يعني تعرف إن اﻷداة ده مجرد وسيلة بتستعملها ممكن تتحدث وممكن تتغير لكن انت عندك القاعدة الأساسية وركن اﻷساس اللي هو عقلك ومهاراتك فمافيش أي حاجة تهددك، وغالباً أنت اللي هتحدث اﻷداة ده

من أكبر الغلطات اللي بنعملها في مصر ان احنا بنبدأ من أخر الهرم وأول حاجة نفكر فيها هي الـ اللي هي غالباً وظيفة ومافيش قاعدة فبنتعب أوي علشان نحصل على وظيفة وفي الحقيقة هي مجرد أداة وحتى لو حصلنا عليه مش هننجح فيها ولو فقدنا الوظيفة بنرجع تاني في تجربة أصعب وهي الحصول على وظيفة تانية وبنحس الموضوع صعب أوي ﻷن احنا ببساطة معندناش القاعدة اللي تبني عليها الهرام

لو لخصنا كل الكلام اللي فوق دا هنقول:

اعرف الحاجة اللي بتحبهاواعرف نقاط قواتك فين  > اتعلمها المهارات الصح اللي تنمي بيها عقليتك أو أو نقاط قوتك > استعمل اﻷداة اللي تخدمك في المهارة ده

 Career Coaching ملحوظة 1: أنا مش متخصص في مجال البحث الوظيفي ، ولا مجال

  لكن  عرفت معلومة وشايفها الحل لمشكلة بتقابل قطاع كبير من الشباب

ملحوظة2: النظرية اللي قائم عليها المقال دا حضرتها للمهندس الرائع/ أحمد حازم بالإضافة لبعض التعديلات والزيادات من عندي وشكراً لك

Written by : Omar Esmail

شاهد أيضاً

ازاي تكتشف شغفك في الحياة

مع كل الكلام اللي بتقابله عن ازاي تحسن من نفسك أو تنجح في حاجة بتعملها ...

10 تعليقات

  1. ايهاب عصام الدين

    شكرا جزيلا علي مجهودك وعلي النصايح الهايله دي، انا بجد استفدت منها جدا، شكرا مره تانيه

  2. خالد الهرباوي من لبنان

    شكراً جزيلاً على هذه النصائح
    هذا الكلام عليه ان يكون في جميع المدارس و الجامعات و على التلفاز و الراديو
    الشباب العربي بحاجة ماسة الى هذه الكلمات
    ربنا يعطيكم الصحة و القوة لتقديم الأفضل لكم و لهذه الأم لعل بعض الحكام يشاركونكم هذه النظريات

    نحو شباب عربي طموح و قوي

  3. The iPhone didn’t have a good camera and it is cu power is gloomier compared to other smartphones, however it was successful! The thing that makes you believe iPad’s going to shed? . -= sebin’s continue blog site… Goose your own personal iPad with the Applications! =-.

  4. Yeaha! I actually completely really like Hypem. The most beneficial in the good deal I may claim.

  5. I use iphoto concerning our wife’s imac in addition to our apple macbook. I usually down load the actual photos on my apple macbook, focus on them, after that exportation them by using a UNIVERSAL SERIAL BUS to be able to put back storage space on my laptop. Is there a service this together with “dropbox” utilizing the finder?

  6. Incredible, which is a serious record. My partner and i probably will not purchase one bring about some of their levels of competition give more charm. Or perhaps they will increase it over moment.

  7. Very good job within this write-up! I really like how you will introduced your details along with the way you actually achieved it crucial as well as apparent to be aware of. Thanks a lot much.

  8. I’ve truly discovered several important things by means of your personal publish. I’d personally love to talk about that there might be a condition in which you will have a loan rather than need a co-signer for instance a Authorities Student Aid Personal loan. Nonetheless should you be getting that will loan by using a standard lender then you definitely ought to be produced ready to have got a co-signer ready to assist you. The lenders can easily basic their own individual selection with a couple of components though the most critical will be your credit history. There are several lenders that can on top of that check out your hard work background make a decision according to that will in just about all circumstances it is going to depend on your personal statement.

  9. Stuff get improved. Certainly not anyone are prepared to purchase beneficial stuffs ever again.. . -= Rockstar Sid’s final weblog… 3 of the Specific Trades Which often Need to Take full advantage of apple ipad tablet =-.

  10. بصراحة مقالة جميلة جداوياريت كلنا نستفيد منهاوكمان ياريت يكون في مقالات زي دي علشان تعرفنا ازاي بنختار المجال اللي بنحبه ونقدر ننجح فيه

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *