الإثنين , ديسمبر 18 2017
الرئيسية / تعليم / ١٠ نصائح هتخلي المذاكرة سهلة و بسيطة

١٠ نصائح هتخلي المذاكرة سهلة و بسيطة

 

 

مفيش ارخم من كلمة قوم ذاكي يبني .. يلا يا بنتي قومي ذاكري سيبك من الزفت الي في ايدك دة

كلام كلام كلام و محدش عارف و مقدر ان انت اكيد نفسك تذاكر بس الموضوع مش سهل و ممل و انت بتحاول بس بيجيلك فترة كدة بتقفل خالص بقي .. الا بعض الناس الي مشاء الله عليهم عارفين هما بيعملو ايه كويس

آآآآيوا هو صاحبك الي بيخرج من الامتحان يقولك انا محلتش حاجة و تلاقي الامتياز منورة في الاخر
المهم النهاردة حبين نساعد نفسنا و نساعدكم كمان في ايام الامتحانات ب ١٠ نصائح يارب تساعدنا علي المذاكرة

 

 

1- ابعد عن الكافيين

 

القهوة و النسكافية و الشاي كل دي حاجات بتخليك تركز من كدة !!

بس بعد فترة جسمك بيتعود عليها و مش هتعرف تركز من غيرها دة غير انك هتاخد بعد كدة كميات كبيرة منها علشان تعرف تركز اصلا

 

٢- متذاكرش آكتر من ساعة متواصلة

 

هيا ساعه واحدة بس .. اه والله زيمباولاك كدة و كل ساعة مذاكرة قوم اتمشي ٥ دقايق ادخل الحمام اضرب حاجة من التلاجة . او افتح التلاجة و اقفلها تاني عادي و هيا ٥ دقايق بس صياعة في الشقة

لما ترجع هتحس انك لسه هتبدآ و مخك جاهز انه يستقبل معلومات جديدة

 

٣- متقومش من عالمذاكرة في نص الملزمة

استني لما توصل لجزئين مش مرتبطين ببعض في المنهج و بعد كدة قوم يا برنس / برنسيس

 

٤- جدول المذاكرة

 

الجدول من الحاجات الحلوة جدا في المذاكرة بس غالبا محدش بيمشي عليه 😀

بص لو الجدول هياخد منك اكتر من ١٠ دقايق متعملوش لاكن لو عايز تكون شخص منظم و محدد اهدافك قبل المذاكرة اعمله و اتكل علي الله ربنا معاك

 

٥- الرياضة

مش الرياضة المادة لا لا لا اطلاقا

كل الابحاث و الدراسات الي اتعملت علي موضوع المذاكرة دة اكدت ان الرياضة من الحاجات الي بتآثر جدا علي قدرة الاستيعاب << بتسرع الدورة الدموية و بتضخ الدم للمخ ف خلي في يومك من ١٥ ل ٢٠ دقيقة رياضة

 

٦- العناوين

 

لما تيجي تذاكر درس .. اقرا العناوين الرئيسية بتاعت الدرس كلة الاول و افهم هو بيتكلم عن ايه و عايز منك ايه في ليلته دي دة هيخلي الدرس يثبت في دماغك كا قطع واحدة مش معلومات مقطعة

 

٧- لو الحفظ هيضيع وقتك .. متحفظش

احسن طريقة للحفظ انك تكتب الحاجة الي انت عايز تحفظها في ورقة و تعلقها قدامك .. صورها و اتفرج علي الصورة كتير … لحنها في اغنية ،، مع الوقت هتحفظها بسهولة من غير ما تضيع وقت . بس اكيد مش ليلة الامتحان يعني كل دة الترم الجاي ان شاء الله لو ملحقتش 😀

 

٨- فيس بوك ـ تويتر ـ انتسجرام ( هنسيب القوس مفتوح

 

يعني لو فاتح انترنت دلوقتي انت بتستعبط ياريس 🙂

او يمكن ربنا جابك هنا عشان تقفل و تقوم تذاكر … اقفل بقي الداتا دي طول ما انت بتذاكر و بلاش تقول هبص بصه اما شوف الصورة الي نزلتها كام بنت عملت لايك .. و انتي والنبي بلاش ستاتيوس او تويت
“اوف المادة صعبه اوووي .. ادعولي يا بنات بليييز ”

 

يلا قومو ذاكرووووووووووووو

 

٩- النظام

 

نظم مكتبك ، اوضتك و كتبك قبل ما تذاكر .. بلاش الهرجلة و الكراكيب و الاقلام الي موجودة في كل مكان .. عشان اول ما بتيجي تذاكر فجآة ضميرك بيصحي و بتكرر تروق الشقة كلها و تغسل المواعين

العامل النفسي هنا مهم جدا لما تذاكر في مكان مرتب هتنجز اكتر بكتير من الي كنت هتنجزة في نفس الوقت و نفس المكان الي مكنتش مترتب

 

١٠ – المراجعة

 

يستحسن لما تيجي تراجع الحاجة الي ذاكرتها قبل كدة متراجعش من نفس الكتاب او الملزمة الي ذاكرت منها لان عقلك هيعيد نفس الي عمله اول مرة و هتحصل علي نفس النتيجة بالزبط < ياريت تذاكر من كتاب تاني او حتي و انت بتذاكر تكتب في ورق شوية نقط دي تراجع منها

 

 

ربنا معاكو ^ـ^

 

Author Profile:Khaled

عن iCareer

iCareer

شاهد أيضاً

9 اسباب تخلى الـCV بتاعك يترمي فى الدرج

علشان توصل لوظيفة معينة او تتقبل فيها الشخص بيمر بشوية مراحل منها مراحل صعبة و ...

9 تعليقات

  1. هى دى النصايح؟ موقع تافه

  2. اعطاء القيمة للمذاكرة من وقت هذه اهم نقطة يعني احفظ لانك خايف
    احفظ وامشي الي ما حفظته منيح ركز عليه واعطيه وقت اكبر

  3. اخر نصيحة غير متفق معاك فيها
    لإن تغيير المصدر خاصة ف المراجعة هيؤدي الى التشتيت و تدخل مش فاكر اي نيلة

  4. نصائح مفيدة بجد جزاكم الله خيرا

  5. ربنا يكرمكو 😍👐

  6. Hi there, its fastіdi᧐us ɑгticle cⲟncerning media ⲣrint, we aⅼll understand meԀia is a wonderful soouгce of facts. http://blog.shotazeend.com/space.php?uid=445&do=blog&id=969

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *