السبت , فبراير 24 2018
الرئيسية / تعليم / ازاى اذاكر بتركيز وبسرعة وبدون ملل

ازاى اذاكر بتركيز وبسرعة وبدون ملل

هنقولكو على شوية خطوات بسيطة كدة !! نتمني انها تفيدكم فى المذاكرة إن شاء الله

 

1- خليك دايما حريص على انك هتذاكر النهاردة اكبر قدر ممكن . يعني مثلا هل من المنطقي بالنسبالك انك تذاكر 100 صفحة فى اليوم ؟ .. لو مش منطقي .. حدد ده هدف بقى و حاول تنجز و تشتغل على الهدف ده و اتحدي نفسك .. عشان مستوي الادرينالين الطبيعي يعلي و يساعدك على التركيز

 

 

2- متخافش إنك قلقان قبل الامتحان .. ده طبيعي على فكرة .. امال هو اسمه امتحان ليه .. تؤكل على الله و إعمل الى عليك

 

3-حاول قبل الامتحان ب 24 ساعة ,, تذاكر 18 ساعة و تنام 6 ساعات الى هما قبل الامتحان .. محدش يروح الامتحان مطبق يا جدعان

 

4- ذاكر بأسلوب الاسئلة عشان متنساش ,, المنهج كه شبة بعضه اصلا و الصفحات كتير و الكتب كبيرة 🙁 فلو ذاكرت حاجه امبارح و حاسس انك مش فاكرها أسئل نفسك فيها و لو برضو مش فاكرها .. يبقى قسم الصفحة بقي اكترمن جزء و كل جزء اعملة سوال

 

– حاول تراجع المنهج اكثر من مره قبل الامتحان، من المستحيل على اي شخص انه يفتكر  المنهج كويس بمجرد قراءته مره واحده، لو قدرت  مراجعة المنهج وليكن في ١٠ ايام، هتستغرب  انك قادر برضو  إنك  تتذاكره مره تاني  في ٨ ساعات! جربها!

 

٦- الاسئلة والتمارين، واسئلة الامتحانات السابقة لازم تراجعها ، و كلنا عارفين  أن في  مناطق معينه فالمنهج تعتبر محبوبة للمدرسين و الدكاترة  لو  متكررش السؤال بشكل مباشر  هيجيلك هو هو بس واخد الدائري .. او المحور 🙂
هتعمل ايه بقى عقلية دكاترة

 

٧- متعملش جدول للمذاكرة .. غالبا مش هتمشي عليه .. :).

8- حط مبدأ قدام عينيك . الراحة هتجيب راحة .. و المذاكرة هتجيب مذاكرة .. يعني فكر كويس اوي قبل ما تاخد استراحة و قبل ما تقول جعان و تفتح التلاجة و تقفلها ,, و قبل ما تقول هبص بصه على الفيس بوك او هدخل الحمام و اجي اكمل 😀 عشان صعب بعد ما تريح انك تكمل تاني

 

٩- مشروبات الطاقة فعالة جدا ولكن اياك وتناولها ليلة الامتحان او صباح الامتحان.

عليك و على الريد بل و القهوة و النسكافية ,, بس أوعي تدمنها متودناش فى داهية 🙂

 

١٠- أحيانا كثيرة يكون هناك ما يشغل بالك، لا تقع في هذا الفخ…ان ما تفكر فيه حاليا يمكن التفكير فيه بعد الامتحان، بل بالعكس سيكون تفكيرك بعد الامتحان بشكل افضل.

10 – نيجي بقى للناس الى بتسيب كل الايام العادية الى فى حياتها حلوة و جميلة و تملي وقت الامتحانات بالمشاكل و الحوارات  بص هقولك على حاجه قبل الامتحان بفترة كده رتب امورك كلها يعني لا تتخانق مع صحبتك و تبقى قاعد نفسيتك تعباك و مش عارف تذاكر .. سيبها خالص وقت الامتحانات ,,,

و لا انتي أرجوكي تزعليي من صحابك البنات عشان فطرو فى Mac  من غيرك من 4 سنين قبل ما يعرفوكي اصلا وقت الامتحانات

١١-اوعى تذاكر و انت جعان .. مش هتفلح .. و اوعي كمان تاكل اكلة تقيلة .. هتحس انك بطيخة قاعد على الكتاب . قسم وجباتك على مدار اليوم و خليها وجبات خفيفة

لو حد عنده نصيحة تانية او طرق مذاكرة تانية ياريت يشاركنا بيها 🙂

يارب تنجحو

شاهد أيضاً

9 اسباب تخلى الـCV بتاعك يترمي فى الدرج

علشان توصل لوظيفة معينة او تتقبل فيها الشخص بيمر بشوية مراحل منها مراحل صعبة و ...

17 تعليق

  1. انا لازم اصطبح بحشيش قبل يوم الامتحان علشان اذاكر برواقة

  2. احسن وقت للمذاكره اول ما الواحد يصحى من النوم
    وافضل وقت للمذاكره الصبح احسن بكتير من الليل

  3. اوعى تلخص المادة
    علشان غالبا بتنسى تحط اسئلة وحاجات
    وغالبا برضه بتيجي فى الاختبار هههههههه
    معرفش ده سوء حظ ولا فيه جن بيبصوا علينا ويروحوا يقولوا للي بيحطوا الاختبار هما ذاكروا ايه وسابوا ايه 😀
    اه حاجة تانية @.@ احسن وقت للمذاكرة بيبقى وقت الصبحية ووقت المراجعة احسن وقت ليه قبل ما تنام يعني على الساعة 9 كده ونام 10 فى الساعة ده او ساعتين حاول تراجع المنهج كله لان ده اكتر وقت بيثبت فى المخ المعلومة بس بشرط تكون مذاكرها قبل كده ^_^

  4. لازم تاخد دش عشان تفووووووووووق دي اهم حاجه

  5. والكل شوية يراجع المواد وحاسس انو لسه مش مذاكر كويس يعمل ايه

  6. والله الطرق ديه حلوة وهتفيدنى ان شاء الله

  7. انت عارف ايه بجد افضل طريقه لل مذاكره انا هاقولك
    وانت قاعد بتذاكر كوم انز الشارع وجيب بيبسي وشيبسي وارجع بيتك تاني وامسك الموب وزافتح الفيس بص في الكتاب 10 دقايق وبص في الموب نفس الوقط وقوم اشرب ونام ساعه واصحه قول جعان وقبل الامتحان بيوم ذاكر

  8. ذاكر دقيقه وبص في الفيس 5 عشان تعرف اذا كان حد علق علي البوست بتاعك ولا لا

  9. انا يستغرب علي الزملاء الي كاتبين تعليقات اضافيه ازاي انت بتقول كده انت اكيد بكلامك لمو أخذه ضايع ومش عاوز مصلحة غيرك

  10. النصائح دي انشاء الله هتفدني اوي بس لو مفيش وقت الم المنهج اعمل ايه
    XD

  11. اول صفحه سهلة والتانية مستحيل تجي والثالثه بسيطة كتير والرابعه كلام فاضي …..وكده بتخلص يا جدع

  12. الكلام جاي ف وقته … عندي فيزيا بكرة وأنا بلحة مأمعة … وفي رياضة بعديها هطلع من دي على دي ..

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *