السبت , فبراير 24 2018
الرئيسية / حوارات / الجامعه لوحدها مش كفايه

الجامعه لوحدها مش كفايه

.  *
الجامعه لوحدها مش هتوصلك لحاجه اصلا
.
سبب الحيره و التوهان و اللغبطه اللى انت فيها نقص معلومات – اقرأ كتير و اسأل عن الحاجه اللى عايز توصلها الاول
.
* اول حاجه هتأهلك انك تكون خليفه الله ع الارض هو العلم
ف فكره انك تتعلم و تنور حياتك بالعلم دى حاجه اساسيه ف حياتك عشان تعرف تعيش
.
* حياتك العملية ابتدت بعد المرحله الثانويه
.
* المرحله الجامعيه من اجمل فترات حياتك لو متدايق فيها و دمك محروق يبقى انت مش عايشها اصلا
.
* كل ما كنت شاطر و مميز و انت طالب هتوصل لفرص مميزه و انت طالب و لما تتخرج كمان
.
* لو ماجربتش الانشطه التطوعيه يبقى فايتك كتير اوى .
.
* لو لسه ماتعرفش حاجه عن المووكس ،رياده الاعمال ،التسويق , لينكدان و حاجات تانى كتير – يبقى فايتك كتير برضه
.
* لو بتفكر تقضى سنين جامعتك دراسه بس و بعد التخرج تاخدلك اى شويه كورسات و فاكر انك كده تمام ، يبقى ولع ف الفكره دى بجاز
.
.
* اجتهد من بدرى انك تعرف المجال الانسب بالنسبه ليك و شغفك و ده مش هييجى من فراغ
انزل اتطوع و اقرأ عن كذا مجال و جربهم عشان توصل ل المجال اللى انت هتبدع فيه
.
MPTI ابحث ف جوجل عن اختبار ال
و استعين بيه هيساعدك توصل ل المجال المناسب ليك بس لا غنى برضه عن التجارب

* دور على الحاجه اللى بتحبها و بتعرف تعملها و بتمنى نفسك فيها و لما بتعملها بتخليك سعيد و مستعد تعملها من غير مقابل
.
* القراءه هتفرق معاك جداااا اقرأ ف مجالك كتير و ف مجالات تانيه غير مجالك
.
* الانشطه الطلابيه هتفرق معاك جدااا و قصدى ع الانشطه الجد الجامده مش الاسر و جو الرحلات و دورات كره القدم و الجو ده ..
اسأل ع الموديلز ف جامعتك و اتطوع معاهم و لو مفيش ف جامعتك ، اتطوع ف جامعه تانيه
.
* فيه تلات حاجات اساسيه ممكن تجيلك من الانشطه دى هتكتسب مهارات جديده هتدخل تجارب و تضيف عندك خبرات جديده و تعمل شبكه علاقات قويه
حسب قوه كل نشاط بقه و اللى هيقدر يوصلوا للمتطوعين
.
* التطوع قيمه جميله و تهذيب و اصلاح مش موضه
لو قلبت معاك موضه يبقى راجع نفسك
.
* ف نفس الوقت اللى انت بتقول فيه انك معندكش وسطه عشان تشتغل
فيه غيرك بيوصل لفرص مميزه جدااااااااا من غير واسطه .
.
* واسطتك هى شطارتك ..
ذاكر اكتر مجالك و اقرأ عنه و ادرس فيه كورسات اون لاين و انزل طبقه عملى سواء ب تدريب او تطوع

 

* لو انت شاب و عندك القدره على السفر ارجوك سافر حتى محافظه غير محافظتك عشان تتعلم، احضر مثلا مؤتمر او ندوه او كورس ..
السفر لوحده هيعلمك كتييييييير .
.
,, تعلم فليس المرء يولد عالما ،،

شاهد أيضاً

حوار | عمرو صبحي مؤسس مرسي ميتر.

في حوار له مع موقع watchado وصف عمرو صبحي الشاب المصري عمله كتقنى بالرائع، وأرجع ...

4 تعليقات

  1. مقال جميل بل رائع جزاك الله خيرا

  2. طب والي هيتخرج كمان ترم

  3. ايه هي الموديلز دي اللي بتبقي ف الجامعة ؟؟

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *